Pilemon 1:8-22

1:8 Karena itu, sekalipun di dalam Kristus aku mempunyai kebebasan penuh untuk memerintahkan kepadamu apa yang harus engkau lakukan, 1:9 tetapi mengingat kasihmu itu, lebih baik aku memintanya dari padamu. Aku, Paulus, yang sudah menjadi tua, lagipula sekarang dipenjarakan karena Kristus Yesus, 1:10 mengajukan permintaan kepadamu mengenai anakku yang kudapat selagi aku dalam penjara, yakni Onesimus 1:11 --dahulu memang dia tidak berguna bagimu, tetapi sekarang sangat berguna baik bagimu maupun bagiku. 1:12 Dia kusuruh kembali kepadamu--dia, yaitu buah hatiku--. 1:13 Sebenarnya aku mau menahan dia di sini sebagai gantimu untuk melayani aku selama aku dipenjarakan karena Injil, 1:14 tetapi tanpa persetujuanmu, aku tidak mau berbuat sesuatu, supaya yang baik itu jangan engkau lakukan seolah-olah dengan paksa, melainkan dengan sukarela. 1:15 Sebab mungkin karena itulah dia dipisahkan sejenak dari padamu, supaya engkau dapat menerimanya untuk selama-lamanya, 1:16 bukan lagi sebagai hamba, melainkan lebih dari pada hamba, yaitu sebagai saudara yang kekasih, bagiku sudah demikian, apalagi bagimu, baik secara manusia maupun di dalam Tuhan. 1:17 Kalau engkau menganggap aku temanmu seiman, terimalah dia seperti aku sendiri. 1:18 Dan kalau dia sudah merugikan engkau ataupun berhutang padamu, tanggungkanlah semuanya itu kepadaku-- 1:19 aku, Paulus, menjaminnya dengan tulisan tanganku sendiri: Aku akan membayarnya--agar jangan kukatakan: "Tanggungkanlah semuanya itu kepadamu!" --karena engkau berhutang padaku, yaitu dirimu sendiri. 1:20 Ya saudaraku, semoga engkau berguna bagiku di dalam Tuhan: Hiburkanlah hatiku di dalam Kristus! 1:21 Dengan percaya kepada ketaatanmu, kutuliskan ini kepadamu. Aku tahu, lebih dari pada permintaanku ini akan kaulakukan. 1:22 Dalam pada itu bersedialah juga memberi tumpangan kepadaku, karena aku harap oleh doamu aku akan dikembalikan kepadamu.

TEMA: BENANG PENJARUMI

TUJUN : Gelah Moria Nuriken kerna usaha Paulus guna mpersadaken Pilemon ras si Erguna. Jadi benang penjarumi i bas ngalaken perubaten-perubaten si lit i sekelewetna. Juru Dame

METODE PA: Simulasi ras Aksi

Kata Penaruh.

Lit 13 surat si itulisken Paulus man perpulungen si pernah ielaina. I bas si sepulutelu e, lima surat man pribadi. Salah sada surat e man Pilemon, si itulisken Paulus sanga ia i bas Penjara Roma.

Pilemon e sekalak perpulungen i kuta Kolose. Ia kalak tutus erkiniteken, banci saja i bas pengajari ras pembabai Rasul Paulus. Ope lenga pajek Rumah Pertoton i kuta Kolose, rumahna me ibahan ingan erkebaktin. Pilemon enda lit budakna, gelarna si Erguna. Budakna e kiam ku Roma, erkiteken erbahan kesalahen i rumah tuanna. Iduga ia nangko sen tuanna. Masa e sistem perbudaken semal terjadi. Budak e termasuk kalak si meteruk kal, tempa la ikira ia bagi jelma biasa. Sekalak tuan erkuasa nandangi budak-budakna. Tuan banci mereken ukumen si mberat man budakna adi terdat budak e erbahan kesalahen. Banci icambuk, banci seh ku penyalipen. Banci saja em dalanna si Erguna kiam nadingken rumah tuanna nari dingen seh i Roma.

Mpebagesi Pengangkan Kerna Ogen.

I Roma, jumpa Paulus ras Erguna. Iajari Paulus ia kerna Tuhan Jesus si nelamatken kerina manusia. Tek si Erguna kata e dingen alokenna Jesus jadi Juruselamatna. Sikap kal akap Paulus enggo tambah temanna erdahin nehken Berita Si Meriah. Tapi, iangka Paulus undang-undang maka budak e lit i teruh kuasa tuanna. Aminna pe gundari Erguna tading i Roma, ia tetap denga budak Pilemon. E maka la ate Paulus ngelebei Pilemon ngaturken dahin-dahin si Erguna.

I penjara nari, itulisken Paulus surat man Pilemon, isina gelah Pilemon ngaloken mulihi si Erguna ku rumahna alu dem kekelengen. Labo sura-sura Paulus gelah nasapken perbudaken tapi jadi min Pilemon sekalak tuan Kristen. Lit bedana ras tuan si Jenga Kristen. Adi tuan Kristen, ngergaken budak bagi sekalak manusia, icukupina keperlun geluh budakna ras la ipaksana budak erdahin lebih asa gegehna. I bas pengajarenna, Paulus nuriken maka kalak Kristen situhuna lit hubungenna si mehuli sapih-sapih kalak Kristen. Erkiteken ia kerina sada kula i bas Kristus Jesus. La erndobahen nari tuan entah budak, sabap seri ergana i bas Tuhan. Erguna, amin pe sekalak budak tapi ia enggo Kristen, enggo jalokenna Jesus jadi Juruselamatna. E me alasen Paulus ngerana man Pilemon, gelah ngaloken si Erguna bagi seninana, maksudna ersenina i bas Tuhan. Aminna pe tetap nge budakna si Erguna, tapi perbahanenna man bana bagi kalak si ersenina. Dem kekelengen, nggit si sampat-sampaten, mereken serpang pulah di kune seninana i bas kepiceten. Tuan ras budak e tading penggelaren nari ngenca, adi arah perbahanen, enggo seri. Tuan engkelengi budakna, budak mehamat man tuanna, duana megiken ras ndalanken pengajaren Tuhan Jesus. Kerna utang si Erguna, nina Paulus aku kari nggalarisa. Pang Paulus bage ngerana sabap ietehna maka Pilemon pe kalak si erkiniteken man Tuhan Jesus. Pilemon ras Paulus pe enggo bagi kalak si ersenina, janah ieteh Pilemon situasi Paulus i bas penjara. Jadi, lanai pe ipindona utang si Erguna e, enggo me e jadi penampatna man Paulus. Ras ikataken

Paulus, lebih asa si e pe ngasup kam ngelakokensa. Salahna ialemi, utangna imasapken, kerehenna ialo-alo alu meriah ukur, bahan ia jadi senina i bas Kristus. Mbages kal ertina pengajaren Paulus e. Kecibal Paulus i je jadi benang penjarumi. Si mperdameken dua pihak si sangana lit i bas persoalen. La seh ku pengadilen ras undang-undang perbudaken, tapi idungi alu perdamen.

Pengkenaina

Enda me pendungi PA Moria i bas tahun enda. Banci jadi kesimpulen man banta sada tahun kita er-PA. Kita kerina sada keluarga i bas Tuhan. Tuhu kita la seri subuk i bas pertubuh, ingan tading, pendidiken, pendahin, karakter ras sidebanna. Megati i bas la seri e murah kal jadi konflik, saja ula min konflik e erbahan perpecahen ras lanai siangkan. Konflik e min njadiken kita dewasa ras ngasup nandai temanta terbagesen. Erlajar arah Paulus, banci min kita jadi benang penjarumi dikune lit turah persoalen i bas perpulungen bage pe i bas keluarga. Nggit ka kita ngaloken pengajaren Kata Dibata, si erbahansa kita ngasup meteruk ukur, nggit ngalemi salah teman, la erbalas tapi ngalokensa alu dem kekelengen. Si alem-alemen salah bagi oratna geluh kalak Kristen, sabap kita enggo leben ialemi Kristus Tuhanta.

Simulasi Ras Aksi

I bas masa libur kuliah, sekalak mahasiswa ng elamar dahin i bas rumah makan. Mengisi libur ras nambahi uang saku. Si mada rumah makan e ngalokensa alu dem keriahen ukur. I bas rumah makan e lit piga-piga pegawai si erdahin, si enggo ngadi sekolah. Radu ras me mahasiswa e erdahin ras pegawai ndai. Asal lit kesalahen ban mahasiswa e minter isaling-saling pegawai ndai, nina, 'sekolah meganjang, tapi erdahin pe la becus' bage me piga-piga kali ikataken man bana. Dungna nembeh ate mahasiswa ndai. Sekali jadi, mahasiswa ndai erbalas alu nuratken gelar-gelar perkakas rumah makan e ku bas bahasa Inggris. Enggo latih akap pegawai ndai, sabap melala lanai ietehna kai si iperlukenna. E maka ilaporken pegawai ndai man si mada rumah makan. Enggo mbiar kal mahasiswa ndai ngenehen si mada rumah makan e. Tapi kai si jadi, si mada rumah makan e la merawa, la ipengadina mahasiswa ndai, saja ikatakenna alu manjar-anjar nina, nakku... cuba ukurkenndu, ia la sekolah. Adi meganjang sekolahta, ula si pemelaken kalak si la lit sekolahna. Pengajaren enda mbages kal pengertinna, e maka minter idahi mahasiswa ndai pegawai si lanai sekolah e, mindo maaf ia bana ras si salamen. Kenca e enggo tetap ia erteman meriah.

Simulasi

Piga-piga kalak Moria mperagaken cerita/kasus si lit i datas. Tentuken, sekalak Moria si jadi mahasiswa, 3 kalak jadi pegawai, sekalak jadi pemilik Rumah makan. Latihen piga-piga menit e maka peragaken.

Pdt. Nurbety br Ginting, MTh