NGASUP NGALOKEN PERBEDAN PASU-PASU (WARISEN)

SI MAN OGEN        : Kejadin 13 : 9-18

13:9 Bukankah seluruh negeri ini terbuka untuk engkau? Baiklah pisahkan dirimu dari padaku; jika engkau ke kiri, maka aku ke kanan, jika engkau ke kanan, maka aku ke kiri." 13:10 Lalu Lot melayangkan pandangnya dan dilihatnyalah, bahwa seluruh Lembah Yordan banyak airnya, seperti taman TUHAN, seperti tanah Mesir, sampai ke Zoar. --Hal itu terjadi sebelum TUHAN memusnahkan Sodom dan Gomora. -- 13:11 Sebab itu Lot memilih baginya seluruh Lembah Yordan itu, lalu ia berangkat ke sebelah timur dan mereka berpisah. 13:12 Abram menetap di tanah Kanaan, tetapi Lot menetap di kota-kota Lembah Yordan dan berkemah di dekat Sodom. 13:13 Adapun orang Sodom sangat jahat dan berdosa terhadap TUHAN. 13:14 Setelah Lot berpisah dari pada Abram, berfirmanlah TUHAN kepada Abram: "Pandanglah sekelilingmu dan lihatlah dari tempat engkau berdiri itu ke timur dan barat, utara dan selatan, 13:15 sebab seluruh negeri yang kaulihat itu akan Kuberikan kepadamu dan kepada keturunanmu untuk selama-lamanya. 13:16 Dan Aku akan menjadikan keturunanmu seperti debu tanah banyaknya, sehingga, jika seandainya ada yang dapat menghitung debu tanah, keturunanmupun akan dapat dihitung juga. 13:17 Bersiaplah, jalanilah negeri itu menurut panjang dan lebarnya, sebab kepadamulah akan Kuberikan negeri itu." 13:18 Sesudah itu Abram memindahkan kemahnya dan menetap di dekat pohon-pohon tarbantin di Mamre, dekat Hebron, lalu didirikannyalah mezbah di situ bagi TUHAN.

13:9 Si mehulina siranglah kita. Pilih mbalmbal si arah apai kin atendu. Adi kam kempak kawes aku kempak kemuhen." 13:10 Itatap Lut kelewet, janah iidahna maka kerina baluren Jordan seh kempak kota Soar melala launa, bali ras peken TUHAN ntah pe taneh Mesir. Si enda ope denga TUHAN ngkernepken kota Sodom ras Gomora. 13:11 Emaka ipilih Lut kerina baluren Jordan jadi sikerajangenna jenari lawes ia kempak Timur. Bagenda me persirang-sirangen kalak enda duana. 13:12 Abram ringan i negeri Kanaan, Lut erkemah i kota-kota baluren deher Sodom. 13:13 Kalak Sodom jahat dingen erdosa man TUHAN. 13:14 Kenca lawes Lut nina TUHAN man Abram, "I bas inganndu tedis enda nari tataplah kelewet. 13:15 Kubereken ateKu man bandu ras man sinursurndu kerina taneh si idahndu e jadi sikerajangenndu seh rasa lalap. 13:16 Kubereken me man bandu kesusuren si seh kal teremna, seh maka ise pe la ngasup meligaisa. Bagi gebuk taneh la terbeligai, bage me pe kesusurenndu la terbeligai. 13:17 Genduari, to siarilah kerina negeri e, sabap Kubereken me e kerina man bandu." 13:18 Emaka ipiser Abram kemahna dingen ringan deher Kayu Kramat Mamre i Hebron. I je ipajekkenna batar-batar man TUHAN.

TEMA                     : SI KUALOKEN E ME SI MEHULINA

TUJUN                    : Gelah Moria:

·       Nuriken kerna pasu-pasu Tuhan man Abram amin gia Lut leben milih taneh si mehulina.

·       Ermeriah ukur ngaloken Pasu-pasu sue ras baginna.

METODE PA           : Kesaksian

Kata Penaruh.

La seri ukur, la seri perayaken, la seri penggejapen ras la seri pemere si ialoken kita. Enda me kinata si jadi i bas kegeluhen. Tupung kita la ngasup ngantusi si la seri e banci turah nembeh ate, cian ate, perubaten, deba merangap. Terdauhen lanai si periahen ras senina bagepe turang i bas jabu erkiteken erta tading-tadingen. Erlajar arah Abram, Bapa kalak si tek man Dibata. Kinitekenna e teruji arah nggitna ia nadingken kutana, keluargana ras erta-ertana guna ndatken pasu-pasu Dibata. Si lenga bo tangkas ietehna, katawari paksana pasu-pasu e ialokenna. Alu tetap erpengarapen man Dibata mabai ia ngasup ndalani geluh dingen i bas paksa ngaloken kerina si jadi e tama keriahen ras kemalemen ate.

Lit nge lalap persoalen si man alanken. Terkusus i bas hubungen jabu, sikap ras cara pandang ngidah persoalen e mereken ngaruh bas muat keputusen kai si arus ilakoken. Erlajar arah hubungen Abram ras Lut, la saja i bas ndungi persoalen suruh-suruhenna tapi pe ngasup ngergai kegeluhen masing-masing rikut keputusenna.

Mpebagesi Pengangken Kerna Ogen.

Abram tuhu-tuhu ipasu-pasu Dibata i bas kegeluhenna. Janah enda igeluhkenna arah perukuren bage pe keputusen-keputusen si ibahanna. Lut anak senina Abram (Kej. 12:5) si ibabana ikut ras ia. Lut pe ikut ipasu-pasu Dibata e maka ia pe bayak, melala asuh-asuhenna rikut ras suruh-suruhenna. Erkiteken buena asuh-asuhenna, rubati me suruh-suruhenna erkiteken lanai cukup mbal-mbal guna ingan ermakan. Ieteh Abram enda e maka alu pertimbangen si mbages iarihkenna ras Lut.

·       Njagai hubungen keluarga, meherga kal iakap Abram hubungen perkade-kadenna ras Lut. Istilah sada tangke ngatakenca labo terpesirang perkade-kaden erkiteken kebayaken. Perukuren Abram jadi sada konsep nggeluh guna mbangun kiniulin, kiniersadan ras si ergan i bas keluarga. Ibahanna usihen amin sebage orangtua, peminpin rombongen (si maba Lut) arusna hakna me si erbagi, ia si milih apai baginna, apai si iberena man Lut.

·       Mereken pilihen, erbagi ingan, lanai radu ras ergabung i bas perdalanen bage pe ingan tading. Ibere Abram kesempaten man Lut lebe milihsa, daerah (ingan) apai atena ngena. Ipilih Lut si mehulina, si mehumurna dingen sikap man inganen. Baluren Jordan seh ku kuta Soar si melala launa. La iperdiateken Lut anak kuta Sodom si jahat. I bas ukurna kinibayaken doni dingen arapen kerna kesenangen si inanamina denggo. Abram ringan i Taneh Kanaan.

·       Padan Dibata man Abram maka i bas inganna tedis e iberekenNa man bana ras kerina kesusurenna. Padan e la saja taneh tapi kesusuren si nterem guna ngiani (memiliki) taneh si ibereken Dibata e. Kesusuren si nterem, si la terbeligai, e me si isiar-siar Abram

·       Tetap ersembah man Tuhan. Teptep Abram ringan i bas sada ingan, minter ipajekkenna batar-batar man Tuhan. Ieteh ras iangkai Abram kal maka labo taneh si mehumur ntah lau si maler si mereken kesangapen, tapi Tuhan si jadi ulu pasu-pasu.

Bagenda me kiniteken Abram, i bas kecibal, situasi, posisi si apai pe, sada ngenca arapenna e me Dibata masu-masu geluhna. Si mehulina me si ialokenna rikutken rancangen Dibata. Menaken berkat ngikutken pendilo Dibata, sitik pe la ia ragu, tetap ngataken bujur man Dibata.

Pengkenaina.

La sitik persoalen si jadi i bas kegeluhenta si erbahan kita muat keputusen. Banci jadi keputusen si bahan kita e langa bo tentu si mehulina man banta ras kesusurenta. Perlu kal tetap ngguru ku Dibata gelah si gejab maka si mehulina tetap si isikapken Dibata. Dingen ngasup ngidah rancangen Dibata la saja terjeng paksa genduari tapi ndauh ku lebe.

Terdauhen, megati si asuhi mengga ate, merincuh nandangi sikerajangen kalak. Sada kuan-kuan 'rumput tetangga lebih hijau dari halaman rumah kita.' Ertina ulin si akap sikerajangen kalak. asangken sikerajangenta, kurang nggejab ras ngataken bujur i bas kai si enggo sialoken. La ngenehen ku bas kerina si mehuli i bas ia, si enggo ialoken ras inanamina. Kecibal si bage megati ndarami i ja salah, lebih ras kurangna seh mpeturah perubaten ras la siangkan. I bas budayanta, lit si semal ilakoken e me erbagi barang tading-tadingen orangtua. Arah barang e niarapken banci nambahi gegeh ras kesangapen geluhta. Erlajar arah Abram sukat-sukat manusia si ikataken labo adil, tapi la jadi perubaten sabap tek ia bekas penjujuri Dibata kerinana jadi mehuli pagin. Kenca er-PA, gejapkenlah maka kerina si aloken e, e me si mehulina, i bas si merekenca bage pe kenca enggo seh i bas kita. Sabap kita nge ngatakenca mehuli, kita nge erbahanca mehuli. Kenca si akuken si bas kita si mehulina, pemaken rikut pengelolanna pe arus alu mehuli ka gelah si e kerina jadi pasu-pasu.

Kesaksin:

1.    Moria ibagi i bas piga-piga kelompok (3-4 kalak), i bas kelompok kerina peserta naksiken pengalamen kinitekenna, i bas ngaloken pemere keluarga/tading-tadingen rikut pemere Dibata. Kuga kita ngenehen si mehulina.

2.    Saksiken kerina si ialoken kita alu sada kalimat 'motto' hidup. Jadiken status FB-ndu ntah pe belasken man isi jabu.

Pdt. Suenita Sinulingga, Mth.