Kebutuhan Moria: Manajemen Keuangen

SI MAN OGEN        : Kejadin 41:25-36

41:25 Lalu kata Yusuf kepada Firaun: "Kedua mimpi tuanku Firaun itu sama. Allah telah memberitahukan kepada tuanku Firaun apa yang hendak dilakukan-Nya. 41:26 Ketujuh ekor lembu yang baik itu ialah tujuh tahun, dan ketujuh bulir gandum yang baik itu ialah tujuh tahun juga; kedua mimpi itu sama. 41:27 Ketujuh ekor lembu yang kurus dan buruk, yang keluar kemudian, maksudnya tujuh tahun, demikian pula ketujuh bulir gandum yang hampa dan layu oleh angin timur itu; maksudnya akan ada tujuh tahun kelaparan. 41:28 Inilah maksud perkataanku, ketika aku berkata kepada tuanku Firaun: Allah telah memperlihatkan kepada tuanku Firaun apa yang hendak dilakukan-Nya. 41:29 Ketahuilah tuanku, akan datang tujuh tahun kelimpahan di seluruh tanah Mesir. 41:30 Kemudian akan timbul tujuh tahun kelaparan; maka akan dilupakan segala kelimpahan itu di tanah Mesir, karena kelaparan itu menguruskeringkan negeri ini. 41:31 Sesudah itu akan tidak kelihatan lagi bekas-bekas kelimpahan di negeri ini karena kelaparan itu, sebab sangat hebatnya kelaparan itu. 41:32 Sampai dua kali mimpi itu diulangi bagi tuanku Firaun berarti: hal itu telah ditetapkan oleh Allah dan Allah akan segera melakukannya. 41:33 Oleh sebab itu, baiklah tuanku Firaun mencari seorang yang berakal budi dan bijaksana, dan mengangkatnya menjadi kuasa atas tanah Mesir. 41:34 Baiklah juga tuanku Firaun berbuat begini, yakni menempatkan penilik-penilik atas negeri ini dan dalam ketujuh tahun kelimpahan itu memungut seperlima dari hasil tanah Mesir. 41:35 Mereka harus mengumpulkan segala bahan makanan dalam tahun-tahun baik yang akan datang ini dan, di bawah kuasa tuanku Firaun, menimbun gandum di kota-kota sebagai bahan makanan, serta menyimpannya. 41:36 Demikianlah segala bahan makanan itu menjadi persediaan untuk negeri ini dalam ketujuh tahun kelaparan yang akan terjadi di tanah Mesir, supaya negeri ini jangan binasa karena kelaparan itu."

41:25 Nina Jusup man raja, "Duana nipi e seri antusenna; nggo ikataken Dibata man bandu, kai atena IlakokenNa. 41:26 Pituna lembu si mbur e, eme pitu tahun, pituna ruhi page si perngis e, e pe pitu tahun; duana seri ertina. 41:27 Pituna lembu kertang-kertang e si reh arah pudi, bage pe pituna ruhi page kertang-kertang ras melus iembus angin si melas e, eme pitu tahun kelihen. 41:28 Bagi si kukataken ndai, maka Dibata nggo nuduhken kai AteNa si IbanNa. 41:29 Pitu tahun dekahna riba-iba pangan i belang-belang Mesir. 41:30 Kenca bage jadi me pitu tahun dekahna kelihen, emaka tahun-tahun si lepas e ilupaken kalak, erkiteken kelihen e ncedaken negeri e. 41:31 Paksa nakan riba-iba ilupaken kalak kerina, erkiteken kelihen e tuhu-tuhu seh serana. 41:32 Kam ernipi dua kali, ngatakenca maka kerina kejadin e nggo itetapken Dibata. Pasti IlakokenNa i bas paksa si lanai ndekah. 41:33 Genduari arus ipilihndu sekalak si erpemeteh ras pentar guna ngaturken negeri enda. 41:34 Arus pe iangkat kam pegawai-pegawai si deban guna pepulung seperlima i bas ulih peranin tupung paksa nakan riba-iba si pitu tahun e. 41:35 Suruh pepulungna kerina pangan sanga paksa riba-iba si reh enda, janah bereken man bana kuasa muniken pangan e i tep-tep kota, ras njagaisa. 41:36 Pangan e jadi persedian man negeri enda, i bas paksa kelihen si pitu tahun i Mesir gelah rayat la mate kelihen i bas paksa mesera."

TEMA                     : Pentar Ngaturken Kiniliten

TUJUN                    : Gelah Moria:

·       Nuriken tantangan ras serpang pulah si ibahan Jusup.

·       Nulisken pemasuken ras pengeluaren sada bulan alu pentar.

METODE PA           : Ceramah ras Aksi

Kata Penaruh

I bas ndalani kegeluhenta, kita perlu duit. Pustaka Si Badia pe labo mereha encakapken kerna perduiten. Tapi kita iajari gelah ula merangap nandangi duit e maka perlu kita erlajar ngaturkensa gelah seh sura-sura Dibata i bas kegeluhenta. Tokoh inganta erlajar banci arah Jusup, si mereken pondasi ras prinsip ekomomi i bas jabu.

Mpebagesi Pengangkan Kerna Ogen

Nats Kejadian 41 : 23-36 enda la terlepas i bas tokoh Jusup, siidayaken senina-seninana ku Mesir arah kalak Midian, erbahansa maka Jusup tading i Mesir jadi suruh-suruhen Potipar. Jusup sekalak si sangap i bas kerina pendahinna. Tapi erkiteken ia itokohi ndehara Potifar si erngena ate nandangi ia maka Jusuf itamaken ku bas tutupen tabanen raja.

Sekali jadi, Raja Firaun ernipi dua kali. La iantusina erti nipina e, e maka idilona guru si baso ras kalak si erpemeteh i Mesir. Sada pe la ngasup ngantusisa. Nina singaturken inemen ras pangan raja, lit sekalak Heber e me Jusup si lit i penjara, paksa si e beluh mereken antusen nipi. E maka idilo Raja e si Jusup, iertikenna nipi e, nina : nipi si dua e seri antusenna, e me Dibata nuduhken kai ateNa si ibahanNa. Pitu tahun dekahna riba-iba pangan ibelang-belang Mesir. Lau Nil si lit i Mesir erbahansa mehumur taneh e, e maka Mesir itandai jadi lumbung pangan. Tapi, perubahen iklim tetap lit ngaruhna ku bas masa panen. La lit sada kepastin, sue ras nipi Firaun pe jadi sada persinget man bangsa e. Kenca paksa riba-iba,jadi me pitu tahun dekahna kelihen, e maka tahun-tahun si lepas e ilupaken kalak, erkiteken kelihen e ncedaken negeri e.

E maka nina Jusup man Raja, pilihlah sekalak si erpemeteh ras pentar guna ngaturken negeri e, angkat pegawai-pegawai si deban guna mpepulung seperlima i bas ulih peranin tupung riba-iba si pitu tahun e jadi persedian. Kenca kalak Mesir mulai kelihen, italangi Jusup lumbung ingan nimpan pangan, kalak Mesir ras jelma ibelang-belang doni nari nukur nakan ku Mesir. Erkiteken beluh bangsa e ngaturken kinilitenna, maka tupung jadi paksa perlego pe, bangsa e ngasup tetap jadi penampat nandangi kalak si deban.

Pengkenaina

Bagin penting si banci si idah arah nats enda e me, Dibata erkuasa i bas kerina siklus kegeluhen doni enda bage pe manusia. La lit si pasti i bas doni enda, kerina erpaksa-paksa. Negarata Indonesia pe paksa enda ngenanami situasi ekonomi si la pasti. Erga keperlun-keperlun si utama reh ergana, tapi erga duit enggo kurang, mesera ndarami dahin, pengurangan tenaga kerja ras sidebanna.

Strategi Jusup banci jadi usihen man banta. Penting ngaturken perbeliten alu kalkulasi rata-rata pendapatan tetap tiap bulan, arah si e sibahan me anggaran keuangan keluarga. Alu mpersada prinsip sekalak profesor hukum Harvard sekaligus pakar perbeliten jabu asal Amerika Serikat, e me Elizabeth Warren ras Dave Ramsey alu motto setiap uang punya tujuan jelas, merumusken 50-20-20-10.Alu pengertin: 50% untuk kebutuhan (needs), 20% tabungan dan investasi, 20% untuk keinginan (wants), 10% untuk ibadah. Amin pe i bas kinatana banci saja labo sentudu ras pembagin enda ndai, la terikuti 100%. Tapi prinsipna si eteh kuja perlawesna pendapatenta e. Reh belinna pendapaten, labo reh belinna gaya hidup, tapi reh belinna min tabungen ras pe persembahenta man Tuhan.

Terbeluh kita membedakan apai kin si la banci lang, apai si banci itunda, janah apai si la perlu. I bas kita beluh ngaturken kinilitenta banci tetap nehi sura-sura Dibata, e me jadi pasu-pasu man kalak si deban, banci muat bagin i bas dahin gereja, dahin pelayanen Moria, erdiakonia, kegiaten sosial, ndahi tenah kerja, anak sekolan ras sidebanna. Tantangenta e me ketidak pastian ekonomi, tapi serpang pulahna, pentar kita ngaturken kerina kinilitenta. Megenggeng kita, darami ras tambahi peluang si banci nambahi pemasukenta alu cara si payo, mepalar, sue ras talenta. Tapi la ngkurangi kemalemen ate ras nilai kebenaren iadep-adepen Dibata.

Ceramah Ras Aksi

1.    Banci siundang tokoh/pakar ekonom i bas PA Moria guna mereken ceramah managemen keuangan i bas jabu.

2.    Aksi : nulisken pemasuken ras pengeluaren sada bulan, mulai i bas simbelinna seh ku sikitikna. E maka siisi tabel perbandingan i teruh enda. Bandingken apai buen pendapaten entah pengeluaren. Evaluasi akhir bulan janah si managemen ulang persentase si la payo.

Ngisi Tabel Keuangan Keluarga

Pdt. Sri Muliana br Kaban