BIMBINGEN PA MAMRE TANGGAL, 02 NOVEMBER - 08 NOVEMBER 2025

Raja Si Reh Pagin

Teks : Jesaya 9 : 1 - 7

1 (8-23) Tetapi tidak selamanya akan ada kesuraman untuk negeri yang terimpit itu. Kalau dahulu TUHAN merendahkan tanah Zebulon dan tanah Naftali, maka di kemudian hari Ia akan memuliakan jalan ke laut, daerah seberang sungai Yordan, wilayah bangsa-bangsa lain. 

2 (9-1) Bangsa yang berjalan di dalam kegelapan telah melihat terang yang besar; mereka yang diam di negeri kekelaman, atasnya terang telah bersinar. 

3 (9-2) Engkau telah menimbulkan banyak sorak-sorak, dan sukacita yang besar; mereka telah bersukacita di hadapan-Mu, seperti sukacita di waktu panen, seperti orang bersorak-sorak di waktu membagi-bagi jarahan. 

4 (9-3) Sebab kuk yang menekannya dan gandar yang di atas bahunya serta tongkat si penindas telah Kaupatahkan seperti pada hari kekalahan Midian. 

5 (9-4) Sebab setiap sepatu tentara yang berderap-derap dan setiap jubah yang berlumuran darah akan menjadi umpan api. 

6 (9-5) Sebab seorang anak telah lahir untuk kita, seorang putera telah diberikan untuk kita; lambang pemerintahan ada di atas bahunya, dan namanya disebutkan orang: Penasihat Ajaib, Allah yang Perkasa, Bapa yang Kekal, Raja Damai.

7 (9-6) Besar kekuasaannya,   dan damai sejahtera  tidak akan berkesudahan  di atas takhta  Daud dan di dalam kerajaannya, karena ia mendasarkan dan mengokohkannya dengan keadilan  dan kebenaran   dari sekarang sampai selama-lamanya.  Kecemburuan   TUHAN semesta alam akan melakukan hal ini.

 Yesaya 9 : 1 - 7

1 Tapi negeri e labo lalap i bas kepiceten. Daerah si iani suku Sebulon ras Naptali, nai igombang-gombangi; tapi denggo ipehaga, mulai i Lawit Tengah nari ku kenjulu, ku daerah si lit arah lepar Lau Jordan, ingan bangsa-bangsa si deban.

2 Bangsa si nggeluh i bas kegelapen nggo ngidah sinalsal si erkinar. Kalak si ringan i bas awih-awih kematen nggo isalsali terang si harhar.

3 Nggo IberekenNdu keriahen si mbelin, o TUHAN, malem atena IbahanNdu. Meriah ukurna ngidah PerbahanenNdu, bali ras kalak si ermeriah ukur tupung paksa peranin, tah pe asum mbagi-mbagiken barang rampasen.

4 Sabap nggo IambekkenNdu babanna si mberat, nggo IpenggelkenNdu lanja-lanja si erbanca mesui barana. Bangsa e nggo ItalukenNdu, bangsa si alu kejam nindas BangsaNdu, nggo ItalukenNdu ia bagi tentera Midian nai.

5 Sepatu tentera si reh nerang BangsaNdu, bage pe uisna si megara erkiteken dareh, isuluh keri ipan api.

6 Sekalak anak nggo tubuh man banta, anak dilaki ibereken banta. Ia me pagi jadi peminpinta. Ia igelari: "Penampat si meganjangna". "Dibata si Mada Kuasa". "Bapa si Rasa Lalap". "Raja Dame".

7 Kuasana tetap reh belangna; janah kerajanna lalap lit i bas dame. Ia jadi gancih Raja Daud. Ia merentah erpalasken kebenaren ras kebujuren, genduari nari seh rasa lalap. Si enda kerina jadi sabap bage kap sura-sura TUHAN si Mada Kuasa.

Tujuan : Gelah Mamre :

1. Nikapken dirina ibas ngalo ngalo kerejen Tuhan Jesus.
2. Ola sangsi, kai si padanken Dibata kerina terjadi.

I. KATA PENARUH

Ibas pertengahen tahun 1960-en ilakoken me sada penelitian kerna dampak gelap nandangi cara berpikir ras perukuren manusia. Dua kalak ikut ibas penelitian enda alu bengket kubas dua gua si terpisah. Para peneliti mperdiateken uga kebiasaan si dua kalak enda tep-tep wari subuk ia tunduh, medak, man, rsd. Jelma si pemena ngasup nggeluh ibas kegelapen total selama 126 wari, janah jelma si peduaken ngasup nggeluh selama 88 wari. Dua kalak enda la pernah rukur ngasup tahan ibas kondisi gelap bage dekahna, janah si menarik dua kalak enda rata-rata tiap wari erpengakap maka ia tunduh terjeng piga-piga jam ngenca, tapi para peneliti si mperdiateken kebiasaan kalak enda ngkira maka rata-rata tep-tep wari kalak enda tunduh 30 jam. Kegelapen kepeken erbahan manusia bingung janah erdekahna erbahanca manusia lanai sadar kerna kai si idalanina. Guna sie me Dibata reh ku doni enda, gelah manusia ngasup ngidah terang e janah nggeluh ibas terang e. Ibas bahan PA-nta minggu enda si erkawiten ras minggu advent ngerana kita kerna nubuaten Nabi Jesaya kerna Dibata si pasti reh jadi Raja guna nerangi kegeluhen bangsaNa.

II. URAIAN TEKS

Kitab Jesaya eme kitab profetik (menyuarakan suara kenabian) man bangsa Israel. Kitab enda terbagi ibas dua bagin mbelin. Pasal 1-39 eme bagin si pemena (proto Jesaya) si nuriken kerna dosa ras kejahaten bangsa Israel bagepe nubuat kerna penghukumen/ pembuangen si nandangi jadi man bangsa Israel. Pasal 40-66 eme bagin peduaken (Deutero Jesaya) si nuriken kerna nubuat kebebasen, pengarapen, bagepe pemulihen si nandangi ilakoken Dibata man bangsana. Oratenta eme bagin proto Jesaya si nuriken kerna bangsa Israel si enggo erdosa dingen nadingken Dibata, tapi ibas situasi si dem pengukumen, Dibata mereken sada nubuaten kerna pengarapen maka Dibata mulahi bangsa Israel ibas pembuangen i Babel nari dingen Dibata nikapken masa depan si mbaru si dem alu kiniulin man bangsaNa. Gambaren kerna Israel ibas pasal enda eme lanai gambaren selaku si terhukum, tapi gambaren kerna anak si ikelengi dingen ialemi salahna. Daerah sebulon ras Naptali eme daerah Israel utara, jadi mbarenda Israel pecah jadi dua kerajaan, Israel utara 10 suku, Jehuda 2 suku. Israel utara enda ia erkoalisi ras Aram janah ajakna Jehuda guna nerang Asyur, tapi Jehuda la nggit, akibatna dung Asyur ngkernekepken Israel utara, termasuk ngeradasken Sebulon ras Naptali. Emaka nina ayat enda sebulon ras Naptali lanai igombang-gombangi, ertina lit pemulihen ije, pemulihen ibas situasi si dem kehancuren. Jenari menarik ipake Jesaya bangsa si lit ibas kegelapen, awih-awih kematen enggo ngidah sinalsal si harhar, sinalsal si erkinar. Melala kel ipake Jesaya kata kegelapen, kesusahen, awih-awih kematen, ertina situasi si komplek, rumit, lengkaplah kiniseran ndai, enda situhuna nuduhken uga krisis kiniteken, krisis kepemimpinen, ekonomi, ras politik jadi ibas bangsa e. Banci ibayangken adi bangsa Dibata, si sedekah enda ncidahken kegeluhen si ersembah man Dibata pe enggo kacau lanai erturi-turi, bobrok, apai ka bangsa si la nandai Dibata, enda me si ikataken Jesaya kegelapen. Jesaya ernubuat maka ibas situasi si mberat si reh nderpa bangsa Israel, penindasen si jadi, erbahan bangsa e dem alu kebiaren ras la lit arah geluhna si jelas. Emaka tupung Dibata pagi reh bangsa e isalsali alu terang si harhar si erbahanca bangsa e dem alu keriahen ukur, iandingken alu kalak si ermeriah ukur tupung peranin tah pe asum mbagi-bagiken barang rampasen. Ertina, kalak si nggejapken ngaloken pemere, keberuntungan, ngaloken ulih. Kerehen Dibata nalihen kebiaren jadi kejuah-juahen erkiteken sepatu tentera si reh nerang

mereken dame sejahtera, bebas ibas kerina sibiakna keterjajahen. Erkiteken sie maka gereja me sinerusken pelayanen ras perjuangen Jesus guna nehken pelayanenNa ras mbebasken kerina manusia. Arah penjelasen malekat maka enggo tangkas terang iangka Jusup kerna kai sijadi. Iantusina maka siguda-nguda sinimaksudken ibas nubuaten nabi eme Maria. Sinimaksudken Mesias e tubuh arah kesusuren Daud eme arah dirina jine ras Maria tunangenna. Iantusi Jusup kata e, janah patuh ia man malekat e, ibuatna Maria jadi ndeharana, janah kenca Anak e tubuh ibahanna gelarNa Jesus. Arah kerina situriken e maka labo kal terantusi Jusup kai si jadi ibas hubungen pertunangenna ras Maria. Tentu ibas kemanusianna Jusup kecewa dingen mela. Iakapna Maria enggo erlagu la mehuli. Emaka Dibata mere pengangkan man Jusup seh maka la surung isirangkenna Maria, janah ialokenna Anak bas bertin e sebage anakna. Adi la kin ituriken malekat, tentu Jusup nirangken Maria sabab bage kin kesemalen paksa si e. Tapi Dibata la mpediat rencanaNa gagal erkiteken manusia. Ijenda teridah maka kerina si jadi bagi ukurta ntah la bagi ukur lit rencana Dibata. Emaka sipenting labo kerna kai sijadi, tapi uga kita ngidah rencana ras campur tan Dibata ibas sie. Emaka ngasup kita rukur alu mehuli.

III. PENGKENAINA

Ibas ndalani kegeluhen, perlu kal kita make kompas kegeluhen eme Kata Dibata segelah ula papak cara rukur dingen lepak perbahanennta. Bagi Jusup, Tuhan mereken pengangkan sipayo, dungna tetap ukurna. Mekatep jadi ibas geluhta si la terantusi, Kata Dibata, eme simpetangkassa. Bagi Jusup siidayaken seninana erbage kiniseran ngkenai ia, megenggeng ia, tetap ia erbahan si mehuli seh kedungenna iantusina kai sura-sura Dibata, emaka kedungenna malem atena, dahin simbelin ibereken Dibata man bana simereken kegeluhen (Kej 50: 20). Ibas ndalani Minggu Advent janah nimai Natal, sirenungken uga ulina perbahanen ras sura-sura Dibata nandangi doni enda alu mereken sekalak Penebus. Si e oratna mereken ketetapen ukur man banta maka Dibata tetap nge erbahan si mehuli man doni enda ras kerina isina bage pe man manusia sabab kita tinepaNa emaka kita pe IA empuna. Emaka adi Dibata tetap mereken si mehuli, maka tanggungjababta tetap ndalanken kataNa aminna gia melala perbeben ras kiniseran si man

IV. DISKUSI

1. Oge ulihi Jesaya 9: 3-5, Kai nge si erbahanca maka meriah ukur bangsa Dibata ngaloken terang si harhar si ibereken Dibata?
2. Cuba turiken kai-kai saja nge si banci ilakoken Mamre subuk ibas jabu, perpulungen, ras masyarakat guna ersikap ngalo-ngalo kerehen Jesus, subuk ibas peristiwa Natal bagepe ibas kerehenNa pagi peduakaliken ku doni enda ?

Usulen Lagu

1. KEE GBKP No. 372:1-2
2. KEE GBKP No. 354:1-2
3. KEE GBKP No. 41:1-2
4. KEE GBKP No. 343:1- (Persembahen)

Pdt. Ebeneser Karosekali, S.Si., MM.